Nappaat Parkinson qaratsakkut nappaataavoq- pingaartumik utoqqanik eqquisartoq. Nappaammut atsiunneqartoq tassaavoq tuluk nakorsaasiortoq James Parkinson, 1817-imi nappaatip ersiutaanik nassuiaaqqaartoq. Nappaammut ersiutaasut pingaarnerusut tassaapput sajunneq, nukiit qerattarnerat, arriillineq napaniarnerullu ajornartorsiutigilernera. Piffisap ingerlanerani inuit ilaat puiguttulersarput imal. puigortunngortarput.
Ukiut ingerlanerini timip aalatinniarneranut atatillugu ajornartorsiutit annertusiartortarput. Eqqarsartaatsikkut sanngiillineq annertunerulersinnaasarpoq. Sajuttunngornermik Parkinsonimik napppaateqartut pingasuuppata ataatsip missaat puigortunngornermik aamma nappaateqartuusut naatsorsuutigineqarpoq. Sajuttunngornermik Parkinsonimik nappaateqartut ukiut 20-it pallillugit malinnaaffigineqarnerisa, utoqqaat taama nappaatillit amerlanersaasa puigortunngortarnerat, misissuinerit takutippaat. Nappaatip ineriartornera ilutigalugu misigisutsimikkut, pissutsimikkut inuttullu ilisarnaatimikkut allannguuteqarsinnaapput. Qiimassusaat nikeralersinnaavoq, namminersorlunilu aallarniinissaq arlaannillu aallartitsinissaq ajornakusoornerulersinnaalluni.
Ukiut ingerlanerini timip aalatinniarneranut atatillugu ajornartorsiutit annertusiartortarput. Eqqarsartaatsikkut sanngiillineq annertunerulersinnaasarpoq. Sajuttunngornermik Parkinsonimik napppaateqartut pingasuuppata ataatsip missaat puigortunngornermik aamma nappaateqartuusut naatsorsuutigineqarpoq. Sajuttunngornermik Parkinsonimik nappaateqartut ukiut 20-it pallillugit malinnaaffigineqarnerisa, utoqqaat taama nappaatillit amerlanersaasa puigortunngortarnerat, misissuinerit takutippaat. Nappaatip ineriartornera ilutigalugu misigisutsimikkut, pissutsimikkut inuttullu ilisarnaatimikkut allannguuteqarsinnaapput. Qiimassusaat nikeralersinnaavoq, namminersorlunilu aallarniinissaq arlaannillu aallartitsinissaq ajornakusoornerulersinnaalluni.
Sajuttunngornermik Parkinsonimik nappaateqartut ilaat ilaatigut takorruuilersarput. Takorruukkat uummaarilluinnarsinnaapput, immikkuualuttortaqarlutik piviusuusorinarlutillu. Ilaasa ass, inimi isersimaffigisami nipaqanngitsunik inoqartoq uumasoqartorluunniit misigisarpaat.
Sajuttunngornermik Parkinsonimik nappaatillit pingajorarterutaanni puigortunngortuni, eqqarsartaatsikkut sanngiillineq- ilaatigut qaratsap sananeqaataani cellini proteinit Lewy bodies-inik taneqartartut katersuunnerannik patsiseqarpoq. Piffissap ingerlanerani kalerrisaarut Acetylkolin, qaratsap sananeqaataasa cellit imminnut attaveqatigiinneranni atorneqartartoq, amigaataalersarportaaq. Kalerrisaarummik tamatuminnga amigaateqalerneq puigortunngornermi Alzheimerimi takuneqartarportaaq. Sajuttunngornermi Parkinsonimi timimik aalatitsinerup akornuteqalernera kalerrisaarummik Dopaminimik amigaateqarnermik patsiseqarpoq.
Inuit ilaat sajuttunngornermik nappaateqartut suna pillugu puigortunngortarnerattaaq ilisimaneqanngilaq. Aarlerinaatilli arlallit ilisimaneqarput, ass. utoqqalingaatsiarneq sivisuumillu nappaateqarneq. Sajuttunngornermullu atatillugu ersiutit sakkortuut puigortunngorsinnaanerup aarlerinarnerulerneranut attuumassuteqarput.
Pingaartumik nukiit qerattarnerat, orloqqajaaneq pisulluarsinnaannginnerlu puigortunngornermut attuumassuteqarput. Tamatuma akerlianik sajunneq puigornermik nappaateqalersinnaanermut attuumassuteqarsorineqanngilaq. Sajuttunngornermik Parkinsonimik puigortunngornermik ilaqanngitsumik nappaateqartunut sanilliullugu, puigortunngornermik ilalimmik nappaateqartuni takorruuisarneq atugaanerujussuuvoq. Takorruuilersarneq puigortunngoriartornerlu ataatsikkoorsinnaasarput. Nikallunganeq sajuttunngornermi Parkinsonimi puigortunngornermut attuumassuteqarsorineqarportaaq.
Parkinsonimik nappaatilinni puigortunngorneq ajorunnaarsinneqarsinnaanngilaq, puigornermulli ersiutaasut utaqqiisaasumik nakorsaammit nipaallisinneqarsinnaapput. Qaratsami kalerrisarutip Acetylkolin-ip qaratsami sananeqaatinit cellinit attaveqaatitut atorneqartartup nungujartornera, nakorsaatit unikaallatsittarpaat. Qaratsap nammineq kalerrisaarumminik Acetylkolin-imik atueqqissinnaanera, nakorsaatit pitsaanerulersittarpaat. Nakorsaalli sajuttunngornermik Parkinson-imik nappaateqartuni puigortunngortuni tamani sunniuttanngilaq, nakorsaatillu kisiisa atorlugit nakorsaasoqarsinnaanngilaq. Siunnersuineq, timimik sungiusaaneq sungiusarnerlu, ulluinnarnilu nalinginnaasutigut tapersersuineq oqilisaassinerlu, nakorsaanermi pingaarnerpaapput.