Puigortunngorneq sunaasoruna, aamma qarasaq qanoq sunnertarpaa? Videomi uani puigortunngorneq sunaanersoq aamma nalinginnaasumik utoqqalinermiit qanoq allaanerussuteqarnersoq pillugu Rosamarie Elsnerip oqaluttuarissavaa. Rosamariep ersiutit nalinginnaanerpaat oqaluttuarissavai aamma nappaat suna pissutigalugu pilersarnersoq aamma inuuneq qanoq sunniuteqarfigisarneraa ataatsimut isiginnilersitsilluni.
Inuit puigortunngortut ulluinnarni qanoq ililluni pitsaanerpaamik tapersersorneqarsinnaappat? Rosemarie Elsnerip uani videoliami paaqqutarinnittutut inuit puigortunngornermik eqqugaasut eqaatsumik, toqqissisimalersinniarlugit ataqqinnittumik paasinnittumillu naapinneqarnissaat pillugu tigussaasunik siunnersuuteqarpoq. Periutsit sakkussallu ajornanngitsut sulinermik oqilisaataasut, sulisunut napparsimasunullu.
Inummut puigortunngornermik eqqugaasumut qanigisaaneq annertuumik unammilligassaasinnaavoq. Videomi uani misigissutsitigut allannguutinut suliarisartakkanullu tunngatillugu qanigisat oqimaaqatiissitsisinnaanerat pillugu Rosemarie Elsnerip ilisimasaminik avitseqatigaatigut. Imminut aammali puigortunngornermik eqqugaasumut ilusiliinermik toqqissisimanermillu pilersitsinissaq pillugu siunnersuuteqarpoq.
Inunnut puigortunngortunut ulluinnarni toqqissisimaneq aalajangiisuulluinnarpoq. Rosemarie Elsnerip videomi uani takutippaa, aalajangersimasumik periuseqarneq, pitsaasumik qulleqarneq aamma avatangiisit ilisarnartut ulluinnarni aalaakkaasumik eqqissisimanartumillu pilersitsisinnaaneq. Allannguutit mikisunnguugaluartut puigortunngortup atugarissaaneranut annertuumik sunniuteqarsinnaapput.
Makitasaarnertut imaluunniit eqqissiviilliornertut pissusilersornerit puigortunngornermik inuunermut ilaasinnaapput. Videomi uani Rosemarie Elsnerip nassuiarpaa, pisut taakkua pilersarnerat, aamma nikallujuissuseq aaqqissuussaasumillu aallaaveqarluni qanoq iliuuseqarfigisinnaaneri. Pisuni ajornartuni eqqissisitsinissamut paasinninnissamullu sakkussanik tigussaasunik assersuusiorpoq.